Bilang pagkilala sa husay at dedikasyon ng ating mga komunidad sa unibersidad, ibinabahagi ng Padayon UP ang natatanging kwentong ito mula sa University of the Philippines Los Baños.

Kilalanin ang Technical Assistance Program in Human Settlements Planning (TAP-HSP) ng Department of Community and Environmental Resource Planning (DCERP) sa UPLB, isa sa mga opisyal na nominado para sa parangal ngayong taon.

Sa pamamagitan ng participatory planning at request-based technical assistance, pinalalakas ng inisyatibong ito ang Local Government Units (LGUs), lalo na ang mga fourth- and fifth-class na munisipalidad sa bansa. Layunin nitong tulungan ang mga LGUs na makabuo ng mas risk-sensitive, functional Comprehensive Land Use Plans (CLUPs) at Comprehensive Development Plans (CDPs), gamit ang kolektibong kasanayan ng mga faculty, estudyante, at alumni ng kagawaran.

Ibinibida ng TAP-HSP kung paano nagiging katuwang ng lokal na pamahalaan ang pampublikong serbisyo at kahusayan upang mapatatag ang lokal na pagpaplano at makabuo ng mas sustainable at resilient na mga komunidad.

#GawadPangulo #NatatangingSerbisyoPubliko #UPLB #DCERP